Vi har bunader der livet på bunaden er prega av renesansemoten med band i ryggen. Andre har trekk frå 1700-talets rokokko, mens liva på 1800-talet blei korte og prega av empiremoten. I tillegg fekk dei lokale særpreg i ulike bygder.
I den enkelte bygda var det ei fast form på livet i ein viss periode. Men stoff og fargar kunne variera etter kva ein hadde råd til og kunne få tak i. Pryding med band, perler og broderi kunne også gjera sitt til at det blei stor variasjon.
På Digitaltmuseum.no kan du sjå eit utval liv frå ulike deler av landet. Og du kan leita vidare etter andre liv. Prøv dette søket på livstykke.